Back Soziale Klasse ALS طبقة اجتماعية Arabic Sosial sinif Azerbaijani Социална класа Bulgarian सामाजिक तबका Bihari সামাজিক শ্রেণি Bengali/Bangla Classe social Catalan چینی کۆمەڵایەتی CKB Sociální třída Czech Dosbarth cymdeithasol Welsh
| Clas social | |
|---|---|
| grupu social | |
 | |
 |
La clas social ye una forma d'estratificación social na cual un grupu d'individuos comparten una carauterística común que los venceya social o económicamente, seya pola so función granible o "social", poder adquisitivu o "económicu" o pola posición dientro de la burocracia nuna organización destinada a tales fines. Estos venceyos pueden xenerar o ser xeneraos por intereses o oxetivos que se consideren comunes y que refuercen la solidaridá interpersonal. La formación d'un sistema de clases depende del fechu de que les sos funciones sociales sían, independientemente de la esistencia d'una vinculación orgánica, mutuamente dependientes a un marcu social mayor.
La sociedá de clases constitúi una división xerárquica basada principalmente nes diferencies d'ingresos, riqueces y accesu a los recursos materiales. Anque les clases nun son grupos zarraos y un individuu puede movese d'una clas a otra.[1] Esti sistema ta bien rellacionáu col sistema granible y ye'l típicu sistema d'estratificación de les sociedaes d'Europa nos sieglos XVII y XIX, güei estendíu a cuasi tol orbe, según en gran midida de les sociedaes mercantiles de l'Antigüedá.[2]
